સૌ મિત્રોને.....
નૂતન વર્ષાભિનંદન
દર વર્ષની જેમ આજે પણ નવા સંકલ્પ કરવાનો દિવસ. કાલે જ એ ભુલી જવાના ને?!
આપણી આ હરકત અંગે આપણને વિચારતા કરી દે તેવો, એક સરસ વિડિયો આપણા મિત્ર શ્રી રાજેશ કોલડિયાએ( 'ભાર વિનાનું ભણતર' ના સર્જક ) બનાવ્યો છે.
સાથે સાથે..... ઈ-વિદ્યાલયની સાથે હમ્મેશ રહેલા શ્રી. રમેશ પટેલ (આકાશદીપ)નું દિવાળી કાવ્ય -
દીવા લઈને આવી દિવાળી
વૈભવ તમારો- એ ખુશી અમારી
કે આવો મનાવો દિવાળી
જ્ઞાન એજ દીવો
હેતે પ્રગટાવો
રે મંગલ મુહૂર્ત જ દિવાળી
શિશુ સાંભળજો ઈ-વાત શાણી.
કે આવો મનાવો દિવાળી
ઝગમગ આ વાણી
એ જીવન ઉજાણી
હૈયે ઉમંગ, જીભે મીઠી વાણી
સંસ્કાર સબરસની ઈ-થાળી
કે આવો મનાવો દિવાળી
યુ ટ્યુબ હો રંગોળી
વાર્તાની પૂરણપોળી
ફૂટ્યા ફટાકડા સ્વાગતના ભારી
હૈયાં ઉજાસ્યાં- એ સાચી દિવાળી
કે આવો મનાવો દિવાળી