- દિપક બુચ
તરુવરની કૂખે, કૈંક કૂપળો મધ્યે;
હું પણ ખીલ્યું'તું ;
હું તો પીળું-મઝાનું,
પાનખરનું એક પાન!
-
જોયા ચોમેર ખૂબ નઝારા,
અહા.! કેમ ભૂલાય ?
ડાળે-ડાળે કલશોર કરનારા ?
હું તો પીળું-મઝાનું,
પાનખરનું એક પાન!
-
ઉમંગે ઉઘડતી,જોઈ ઘણી,
પમરાટ પ્રસારાવતી,
કળીઓ ને કૂંપળો,
હું તો પીળું-મઝાનું,
પાનખરનું એક પાન!
-
ખીલજો ખુશ્બુતણાં કુસુમો,
ને પ્રાણ સીંચતાં પર્ણો,
નિસ્વાર્થે નીહરજો,
હું તો પીળું-મઝાનું,
પાનખરનું એક પાન!
-
અહા! કેવી ખીલી છે!
આ પાનખર અમારી,
મધુર વાયરે ખડખડતી સવારી,
હું તો પીળું-મઝાનું,
પાનખરનું એક પાન.