રળિયામણી ઘડી

 - નરસિંહ મહેતા

ધન્ય આજની ઘડી તે રળિયામણી,

હાં રે મારો વહાલોજી પધાર્યાની વધામણી હો જી રે,

                          ધન્ય  આજની ઘડી તે.

હાં રે હું તો કદલીના થંભ રોપાવતી,

હાં રે મારા વા’લાજીના મંડપ રચાવતી હો જી રે,

                      ધન્ય  આજની ઘડી તે.

હાં રે પૂરે પૂરે સોહાગણ સાથિયો,

હાંરે જેમ મલપંતો આવે હરિ હાથિયો હો જી રે,

                      ધન્ય  આજની ઘડી તે.

હાં રે હું તો મોતીડાંના ચોક પુરાવતી,

હાં રે મારા વાલાજીની આરતી ઉતારતી હો જી રે,

હાં રે હું તો જાઉં શ્રી વલ્લભકુળ વારણે

હાં રે મેતા નરસીનો સ્વામી ઊભો બારણે હો જી રે

                      ધન્ય  આજની ઘડી તે.

 

      સાભાર   શ્રી. ગોપાળ પારેખ 

Leave a Reply

Your email address will not be published. Required fields are marked *