"एक साधे सब सधे,सब साधे सब जाय।

रहिमन मूलहिं सींचिबो,फूले फल अघाय।।"

    શાળા છોડી ગયાં તે બાળકોને શોધવા કરતાં, તેઓ શા માટે શાળા છોડી ગયાં? તેનો અભ્યાસ જરૂરી છે.

    કેટલાંક કારણો:

• સરકારી તેમજ ગ્રાન્ટેડ શાળાઓ બહુ જ અલ્પ પ્રમાણમાં છે.
• મ્યુનિસિપાલિટીઓની શાળાઓ ધોરણ ૮ સુધી છે જે નિ:શુલ્ક છે. તેમાં નિયત સંખ્યા જ હોવાથી તેમજ લોકોના માનસમાં એવું છે કે, ત્યાં શિક્ષણનું સ્તર નીચું છે. આથી કુલ વિદ્યાર્થીઓના બહુ જ નજીવા ટકા વિધાર્થીઓ ત્યાં ભણે છે.
• ધોરણ ૮ પછી,ખાનગી શાળાઓમાં ફીનું ધોરણ ઊંચું હોવાથી, મા-બાપને તે પોષાય તેવું હોતું નથી તેથી ન છૂટકે બાળકનો અભ્યાસ અટકી જાય છે.
• આપણી શિક્ષણ વ્યવસ્થા માત્ર પુસ્તકિયા,પરીક્ષા અને માર્કલક્ષી છે તેથી અભ્યાસ પૂરો કર્યા પછી પણ બેકારીનો ગંભીર પ્રશ્ન તો ઉભો જ છે. આથી ઘણાં મા-બાપો વિચારે છે કે, 'ભણાવીને શું કરવાનું? તેના બદલે કોઈ કામ-ધંધે વળગી જાય.' આવા લોકો વધારે છે, જેને અભ્યાસ કરતાં, પોતાના કુટુંબના જીવન નિર્વાહ માટે આવકની અગત્યતા વધારે છે