- કૃષ્ણ દવે
પપ્પુના કિચનમાં આવી કિક્કુ નામે કીડી
ફટાક્ દઈને શોધી કાઢી લંચ બોક્સની સીડી
-
મીઠાં મીઠાં બિસ્કીટ જોયાં મોમાં આવ્યું પાણી
પપ્પુ જેમ જ કિક્કુને પણ બિસ્કીટથી જ ઉજાણી
-
પપ્પુ ની મમ્મીએ ત્યાં તો કર્યું ઢાંકણું બંધ
કિક્કુ કીડીને તો કેવળ બિસ્કીટથી સમ્બન્ધ
-
પેટ ભરીને કિક્કુ નીકળી લંચ બોક્સ ની બ્હાર
નાનકડા ખંભા પર જોયો પ્હાડ જેટલો ભાર
-
નીચે ઉતરી આ કિક્કુને સૂજ્યો એક જ પ્લાન
ત્યાં ને ત્યાં જ કઢાવ્યું એણે એક નવું ફરમાન
-
હવે પછીથી કોઈ કીડી ના લંચબોક્સમાં જાય
નાહક આ દફ્તરમાં પાછો ભાર વધારે થાય.
સાભાર - શ્રી. વિનોદ પટેલ
